ദുരാഗ്രഹം

കഴിഞ്ഞു പോയനുഭവങ്ങളും
കണ്ടു മറക്കാത്ത സ്വപ്നങ്ങളു
മൊരു പോലെ തന്നെയാണ്.
കഴിഞ്ഞു പോയാ പിന്നെ
രണ്ടുമോര്‍‍ത്തിരിക്കാനേ പറ്റൂ..

ഏറെ ഇച്ഛിച്ചിരുന്ന
നടക്കാന്‍ തരമില്ലാത്തൊരു ദുരാഗ്രഹം
ഒരിക്കലെന്നെയും തേടി
സ്വപ്നത്തിലൂടെ‍ വന്നിരുന്നു .

മറക്കാനിഷ്ടമില്ലാത്ത സത്യങ്ങളെ
സ്വപ്നത്തിലെന്ന പോലെ ഓര്‍ത്തിരിക്കുമ്പോ..
ക്ഷണിക്കാതെ കയറി വന്നയാ
ദുരാഗ്രഹത്തെ സത്യമെന്ന പോലെ-
ഓര്‍ത്തിരിക്കാനാണെനിക്കിഷ്ടം.