പൂക്കളോട് പറഞ്ഞത്

 

നീ മടങ്ങിപ്പോയ

നാൾ മുതൽക്കാണ്

ഞാൻ പൂക്കളോട്

സംസാരിച്ചു തുടങ്ങിയത്

എന്നിട്ടും ഞാനിന്നെ വരെ

നിന്നേക്കാൾ സുഗന്ധം

പരത്തുന്ന ഒരു പൂവിനെ പോലും

പിന്നീടൊരിക്കലും കണ്ടു മുട്ടിയില്ല

മനസ്സാകെ...

നോവ് മാത്രം പടർത്തി

നിന്റെ ഇതളുകളന്ന്

ചിതറിതെറിച്ചു വീണപ്പോ

എന്റെ മൗനാനുവാദത്തിന്

പോലും കാത്തു നിൽക്കാതെ

എങ്ങു നിന്നോ വന്ന

കാറ്റിനൊപ്പം നിന്റെ ദലങൾ

ഓരോന്നായി പറന്നകന്നപ്പോ

ഞാൻ അറിഞ്ഞിരുന്നില്ല

എനിക്കാസ്വദിക്കാനായി

ഭൂമിയിലിനി സുഗന്ധങ്ങളൊന്നും

നീക്കിയിരിപ്പില്ല എന്ന്.

-ഷാനു കോഴിക്കോടൻ-