നിറങ്ങള്‍

മോനെ ..
കണ്ണ് പിടിക്ക്ണില്ല്യ
ഇതിലെത്രാ സൈസ് എയ്ത്യത്‌ .. ?

മുപ്പത്തി രണ്ട് ..

ആ മുപ്പത്തി രണ്ടാണോ .. ശരി ..

ഏയ്‌ .. അതെ .. ..
ആ മുപ്പത്തി രണ്ടു സൈസ് പാന്റ് ഇങ്ങക്ക് പറ്റലുണ്ടാകില്ല .

ഇനിക്കല്ല . മോന്ക്ക് കൊടുത്തയക്കാനാ ,
നമ്മള്‍ എട്ക്കണ മോഡല്‍ ഒക്കെ കുട്ട്യോള്‍ക്ക് പറ്റോ ആവൊ ?

നാട്ടീ പോവണോ . ?

അല്ല ഒരാള്‍ പോകുമ്പോ കൊടുത്തയക്കാനാ ..
പോക്ക് രണ്ടൊല്ലം കൂടുമ്പള .
എപ്പളും എപ്പളും പോകാന്‍‍ മാത്രള്ള വരായ്കയില്ല്യ ..

ശെന്ത ചെയ്യാ ..
ഈ ജീന്‍സ് പാന്റില്‍ ആകെ മൂന്നാല് കളറെ എപ്പളും ണ്ടാകൂ .
ഇനിക്കാണേല്‍ ഇതൊന്നും കണ്ണി പിടിക്കിണില്ല്യ .
ഓന്ക്കാണേല്‍ ജീന്‍സ് അല്ലാതെ പറ്റുംല്ല്യ ..

സ്വന്തം ജീവിതത്തിലെ മങ്ങി നരച്ചു മാഞ്ഞു പോകാറായ നിറങ്ങളെ കാര്യമാക്കാതെ മകന് കൂടുതല്‍ നിറങ്ങളന്വേഷിച്ച് അയാളടുത്ത കട ലക്ഷ്യമാക്കി നടന്നു